صحيفة نبض الشعب الاسبوعيه رئيس التحرير جعفر الخابوري

هل الأدباء المصريين متميزين ولا كانت مرة وخلاص؟

فالبوست دا انا هحكيلك عن خمس كتاب مصريين أثروا بشكل كبير في الكتابة العربية مش معني كدا ان مفيش كتاب عرب كويسيين لكن لو سالت حد عربي عن احسن كتاب عرب اعتقد النسبه الكبيرة هتكون مصريين.
المهم يلا بينا نتكلم عن أول كاتب وهو الدكتور #احمد_خالد_توفيق
انا اتكلم عنه فبوست قبل كدا وكنت بحكي تجربتي معاه وازاي تعرفت عليه لكن انا هنا عاوز اتكلم اكتر عن اعمالة وانه اثر بشكل كبير فالادب المصري.
بما ان النسبة الاكبر من المصريين حاليا شباب لو سالت حد اكتر كاتب مشهور فالفترة الأخيرة معظم الاجابات هتكون للدكتور احمد ودا مش لانه احسن كاتب من حيث جودة الكتابة ولاقوة الألفاظ لكن أنا رايي الشخصي انه عمل مزيج جميل من الكتابة وجودتها وسهوله القراءة حتي لو اول مرة تقرا ليه مش هتضايق من صعوبة الكلام وكمان كتاباته تميزت بالدخول فالنفس البشريه للاعماق لما تيجي تقرأ لية في بعض الجمل انت بتقف قدامها وبتقول (هوا ازاي زيي كدا) ودا ممكن عشان الناس مفكرة انها اول البشر وانهم مش زي بعض.
وكمان لا تخلو كتاباته من ذكر امراض نفسية خصوصاً في سلسله سافاري (السلسله المميزة عندي) وكمان فالسلسله دي انه كان في افريقيا وكدا وازاي هو صلحلي مفهوم ان البشر كلهم زي بعض بس كل واحد ليه فترة
ومش بس كتاباته كانت سهله وبتناسب الشباب المصريين وبس لكن هو كتب حاجات عالميه زي #يوتوبيا
واللي انا زهلت قدامها قولت ازاي كدا.
ندخل على تاني كاتب
وهو #توفيق_الحكيم
ندخل بقا هنا للجمال كله توفيق الحكيم يعني
الكاتب-الشاعر-السيناريست-المفكر-الاديب-الفيلسوف
انا الصراحه لسه مكتشفه قريب وبادئ فالقرائة ليه لان الراجل الصراحه قديم مولود سنه 1898م.
توفيق الحكيم كان غزير الإنتاج رغم ان كل كتاباته يعتبر ناجحه وفنفس الوقت كان بعد نجاح كبير يفشل بردو
لكن فالمجمل كانت كتاباته ناجحه توفيق الحكيم كان بيكتب مسرحيات كتير ولكن هو بدا تبار او فكر مسرحي جديد كلنا عارفين ان المسرحيات بتتكتب وبعدها تتمثل علي المسرح لكن هو اسس تيار اسمه التيار الذهني واللي قدر بيه يكتب مسرحيات بحيث تقدر انت كقارئ تشوف الممثلين قدام عينيك من غير مايكون في ممثلين حاجه أشبه بالرواية لكن علي هيئه مسرحية بأدوار وممثلين وحوار وكمان كان عنده روايات كتيرة وقصص وكان النقاد بيوصفوه انه مفكر وبيحب انه ينزل افكارة في كتاباته لكن توفيق فلقاء كدا فآخر عمره قال (انا بعتبر نفسي عادي جدا ولا مفكر ولا حاجه) انتو متخيلين ازاي شخص يقول علي نفسه كدا بعد العظمه واخر حاجه عاوز اضيفها عي تساؤل في روايه ( حمار الحكيم ) مع ان الرواية قصيرة وسهله بس انا حاسس انه كان في رمزيات انا ممكن ماخدتش بالي منها ياريت تشاركوني.
حاسس ان كدا البوست هيكون طويل هكمل باقي الكتاب بعد البوست دا علطول.
#بولكرا #pulchra #احمد_خالد_توفيق
#توفيق_الحكيم